ОсОО “Диагностикалык лаборатория Хуман” (мындан ары – Компания) сапат жаатындагы саясаты кардарларга жогорку деңгээлдеги кызмат көрсөтүүнү камсыз кылууга, изилдөөлөрдүн так жана объективдүү жыйынтыктарын алууга багытталганын жарыялайт.
Компаниянын негизги иш багыты – эл аралык ГОСТ Р ISO 15189 стандартынын талаптарын аткаруу жана ички рынокто туруктуу имиджин сактоо аркылуу компетенттүү, калыс медициналык лаборатория катары абройун бекемдөө.
Компаниянын максаты – заманбап эл аралык стандарттарга жооп берген, кардарлардын муктаждыктарын эске алган жана дүйнөлүк өндүрүүчүлөрдүн алдыңкы технологиялары менен жабдууларын колдонгон сапаттуу лабораториялык изилдөөлөрдү жүргүзүү.
Бул максатка жетүү үчүн төмөнкү милдеттерди ишке ашыруу каралган:
- үзгүлтүксүз окууга жөндөмдүү жана өз ишмердүүлүгүн дайыма жакшыртууга умтулган кадрларды тандоо;
- персоналдын кесиптик деңгээлин туруктуу жогорулатуу, өнүккөн методдорду жана иш ыкмаларын өздөштүрүү;
- лабораториянын сапатты тышкы көзөмөлдөө системаларына үзгүлтүксүз катышуусу;
- кардарлардын канааттануусун анализдөөнү камсыз кылуу;
- изилдөөлөрдү жүргүзүү үчүн биоматериалды алуу, сактоо жана ташуу процессинде белгиленген талаптарды сактоо;
- кызмат көрсөтүүнүн талап кылынган сапатын камсыздоого багытталган уюштуруучулук жол-жоболорду иштеп чыгуу жана өркүндөтүү;
- кардарларды тейлөөдө жогорку деңгээлдеги сервисти камсыз кылуу.
Изилдөөлөрдү жүргүзүүгө тартылган компаниянын кызматкерлери сапатты башкаруу системасынын документтери менен тааныш жана өз ишмердүүлүгүндө бекитилген саясат менен жол-жоболорду карманат.
ОсОО “Диагностикалык лаборатория Хуман” жетекчилиги сапат жаатындагы саясатты ишке ашыруу боюнча өз жоопкерчилигин, ошондой эле башкаруу системасын өнүктүрүү жана үзгүлтүксүз жакшыртуу боюнча милдеттенмелерин тастыктап, ГОСТ Р ISO 15189 стандартына ылайык иш алып барууга умтулат.